- LATEST
- WEBSTORY
- TRENDING
BOLLYWOOD
Shah Rukh Khan won't take up any film for next 2-4 months, says 'Iss waqt acting karne ka mera Dil nahi kar raha'
Recently 'Saare Jahan Se Achha' writer Anjum Rajabali had said that Shah Rukh Khan is "pretty shaken up" post the 'Zero' debacle
DNA Web Team | Apr 28, 2019, 10:40 PM IST
1.Shah Rukh Khan on Zero's China release
"Mere paas aur koi film nahi thi. Kyunki 'Zero' hi iss waqt release huyi hai. Jab humko bataygaya ki humko Beijing Film Festival mein aana hai toh maine kaha main waise hi aajaata hun zaroori nahi hai ki meri koi film dikhayein. Kyunki main aana chah raha tha. But, unhone kaha ki hUm 'Zero' dikhayenge. Alag sa experience hai kyunki humne jab ye film banaayi thi toh bahut pyaar aur mehnat se banayi thi lekin bahut logo ko pasand nahin aayi. So main bhi December se thoda detach sa ho gaya tha uss film se. Ki nahi pasand aayi toh nahi aayi, ab kya karein. Ek mere liye bhi naya silsila hoga ki main bahut dino baad uss film ko revisit kar raha hoon. Hosakta hai ab main shayad usko thoda dur se dekh sakun. You know, jab hum film bana rahe hote hain toh hum bahut kareeb hote hain toh humein apni khaamiyan nahi malum padti. Toh shayad ho sakta hai main use dekhun, shayad na bhi ho sake. But, umeed yahi hai. Kyunki hum film jabhi bhi banaate hain dil yahi hota hai ki log khush hon. Unki Zindagii mein kuch acha, chota-mota badlaav aajaye film dekh ke. Jo humaari dil hi khwaish thi woh incompleteness ko celebrate karna tha. Amuman hum Hindi filmon mein sirf completeness aur perfect hero-heroines ko hi celebrate karte hain. Toh ek vertically challenged aadmi hai, ek mentally unstable ladki hai aur ek emotionally unstable - toh dekhta hun main yahaan kaisi logo ko lagti hai. Acchi lagti hai, ki nahi lagti hai. So, I am just very happy and excited ki mujhe yahaan aane ka mauka mila. Bahaana chahe 'Zero' ya kuch bhi ho."
2.Shah Rukh Khan reveals the real reason why he hasn't signed any film after 'Zero'
"Mere paas koi film nahi hai iss waqt. Main abhi kisi pe kaam nahi kar raha hun. Amuman aisa hota hai ki jab ek film khatam ho rahi hoti hai uss hi dauran main dusri (film) ka silsila shuru karta hun. Teen chaar mahine baad usme ghus jaata hun. But, iss baar mera dil nahi kiya. Mereko aisa laga ki main thoda waqt nikaal kar filmein dekhunga, kahaaniyan sununga, kitaabein padhunga. Mere bacche bhi jo hain college ki stage par hain. Ladki (Suhana Khan) college jaa rahi hai aur ladka (Aryan Khan) shaayad college se pass hone wala hai iss saal mein. So, I just want to spend more time with the family."
3.SRK says he won't sign his next project until next 2-4 months
"Kal maine kahin keh diya ki June mein shayad maindecide karunga. Main actually June mein bhi nahin karunga. Mereko jab dil aayega main tabhi karunga. Main tabhi acting karta hun jab mere dil mein aata hai. Toh iss waqt mera dil nahi kar raha hai. Kahaaniyan bahut log suna rahe hain. 15-20 kahaaniyan sun chuka hun. 2-3 usme bahut achi bhi lagi hain mujhe. Lekin abhi maine decide nahin kiya hai kab karunga. Because jaise hi main decision lunga nah, I'll have to start working on films. Then main Beijing nahi aa sakta
(laughs), phirr main uss film mein ghus jayunga. Toh main 2-4 mahina shayad nahin karun kuch bhi. 2-3 cheezein hain jo acchhi hain but I have not taken a decision, emotionally. Mentally bahut achi hain mujhe maloom hain ki ye honi chahiyen but emotionally maine abhi kuch decide nahi kiya hai."
