7 inspirational quotes by poet extraordinaire Atal Bihari Vajpayee

Mere Prabhu! Mujhe itani oonchaai kabhi mat dena,

Gairon ko gale na lagaa sakoon, Itani rukhaai kabhi mat dena

Maut ki umar kyaa hai? Do Pal bhi nahi,

Zindagi silsila, aaj kal ki nahi

Hone, na hone ka kram, Isi tarah chalta rahega,

Hum hain, hum rahenge, Yeh bhram bhi sadaa paltaa rahega

Daanv par sab kuchh lagaa hai, ruk nahi sakate,

Rook sakate hain magar, hum jhuk nahi sakate

Kinchit nahin bhaybhit main,

Kartavya path par jo bhi mile, Yeh bhi sahi woh bhi sahi

Baadhaaen aati hain aaen, Ghiren pralay ki ghor ghataaen,

Paaon ke neeche, angaare, Sir par barasein yadi jwaalaen,

Nij haathon mein haste- hasate, Aag lagakar jalna hoga.

Kadam milakar chalna hoga.

Tute hue sapnon ki kaun sune siski,

Antar ki cheer vyatha palakon par thhithhki,

Haar nahi maanoonga, Raar nahi thhanoonga,

Kaal ke kapal pe likhta mitaata hoon,

Geet naya gaata hoon